रामजी नगर लातूर येथे डॉक्टर आंबेडकर जयंती उत्साहात साजरी

रामजी नगर लातूर येथे डॉक्टर आंबेडकर जयंती उत्साहात साजरी

लातूर ( विशेष प्रतिनिधी)
विश्वरत्न परमपूजनीय डॉक्टर बाबासाहेब आंबेडकर भारतीय संविधानाचे शिल्पकार यांची 131 वी जयंती मोठ्या उत्साहाने साजरी करण्यात आली.
लातूर लोकसभेचे माझी खासदार संसद रत्न डॉक्टर सुनील बळीराम गायकवाड यांच्या प्रमुख उपस्थितीत शहरातील अनेक मान्यवरांचा गौरव करण्यात आला प्रामुख्याने दयानंद कला महाविद्यालय लातूर चे प्राचार्य डॉक्टर शिवाजीराव गायकवाड, वंचित बहुजन आघाडी चे डॉ अजनिकर, प्राध्यापक लहू वाघमारे, भीमराव साबळे, अशा प्रमुखांना मानपत्र देऊन गौरव करण्यात आला. रामजी नगर जयंती उत्सव समितीचे अध्यक्ष रत्नदीप अजनी कर यांनी या वर्षीचा जयंती सोहळा आगळावेगळा करण्यासाठी अनेक स्पर्धा ठेवलेल्या होत्या त्यात प्रामुख्याने रांगोळी स्पर्धा प्रत्येकाने आपापल्या घरासमोरील अंगणात रांगोळी काढायची ती रांगोळी जयंती कमिटी पाहून त्या पहिले दुसरे तिसरे बक्षीस देण्यात आले या भागाच्या सर्व आंबेडकरी जनतेने यावर्षीच्या जयंती सोहळ्यात उत्साहाने सहभाग घेतला आणि मोठ्या संख्येने कार्यक्रमाला महिला आणि पुरुष यांची उपस्थिती होती.
कार्यक्रमात मार्गदर्शन करत असताना माजी खासदार संसद रत्न डॉक्टर सुनील गायकवाड यांनी कार्यक्रमाच्या संयोजकाचे कौतुक केले आणि बाबासाहेबांच्या जयंतीनिमित्त मार्गदर्शन करून सर्वांना शुभेच्छा दिल्या या भागातील मूलभूत सुविधा कडे स्थानिक नगरसेवकांनी लक्ष देऊन जनतेची सेवा करावी आणि समाजातील उच्चशिक्षित बांधवांनी सामाजिक बांधिलकी म्हणून बाबासाहेबांच्या जयंती मध्ये प्रत्येकाने आपला सहभाग नोंदवला पाहिजे असे मत व्यक्त केले.
कार्यक्रमाला लातूरचे माजी शिक्षण सभापती हरिभाऊ गायकवाड, जवळील बुद्धविहाराचे ट्रस्टी पांडुरंग विठ्ठल राव अंबुलगेकर, सेवानिवृत्त पोस्टमास्तर गहिनीनाथ वाघमारे, सामाजिक कार्यकर्त्या प्रीती लातूरकर, आदी मान्यवर उपस्थित होते.